فضلت ساكتة وهى بتسمع رده، وكل ما يعدى وقت كانت ملامحها تتغير، لحد ما قفلت المكالمة وانهارت فى العياط. حماتى جريت عليها وقالتلها: ـ قالك إيه؟! وافق؟! سماح هزت راسها وقالت: ـ قال إنه مش هيقدر يكمل، وإنه كان فاكر إن عندى ولد واحد، وإنه من البداية كان واضح إنه مش مستعد يتحمل مسؤولية تلات أطفال، وإنه مش زعلان عشان عندى عيال، لكنه زعلان إنى كنت هتجوزه وأنا مخبية عنه الحقيقة.

حماتى صرخت وقالت: ـ كله بسببك إنتِ! إنتِ اللى فضحتينا! وقتها أنا مقدرتش أسكت، فبصيت لها وقلت: ـ لأ يا ماما، أنا مش السبب فى رفض العريس، ولا أنا اللى خبيت عليه الحقيقة. إنتِ اللى قررتى تحلى المشكلة بالكذب، ولما أنا رفضت أشاركك فى الغلط، قررتى تعاقبينى وتشوهى سمعتي.

ولو كنتِ من الأول واجهتى بنتك بالحقيقة، مكنش كل ده حصل. وبعدين بصيت لسماح وقلت: ـ أنا مش بتمنى لكِ الفشل يا سماح، والله يشهد إنى مش بكرهك ولا بغير منك، لكن أنا مش هسمح لحد يفرض عليَّ مسؤولية مش مسؤوليتي، ولا هقبل إن حد يظلــ,,ـــــمنى عشان يحقق مصلحته.

الأكثر قراءة الان

خادمة الشيخمنذ 6 أيامحكايات امانى السيد 1منذ 6 أيامبعد الولادة حكايات رومانى مكرم 1منذ 6 أيام

بعدها دخلت شقتى، ولأول مرة من أيام، حسيت إنى مش مضطرة أبرر نفسى لكل الناس. الحقيقة ظهرت، والناس عرفت إن الحكاية مكنتش زى ما حماتى كانت بتحكيها. أما حماتى، فاضطرت تروح للجيران واحدة واحدة، وتحاول تصلح الكلام اللى قالته عنى، وتعترف إن اتهامها لى بالأعمال مكنش عندها عليه أى دليل.

لكن الضرر اللى عملته كان أكبر من إنها تصلحه بكلمتين اعتذار. وجوزى، بعد ما شاف بعينه إزاى أمه ظلــ,,ـــــمتنى، بدأ يفهم إن سكوته فى كل مرة كان بيخلينى أواجه لوحدى، وإن الحياد ساعات بيكون ظلــ,,ـــــم فى حد ذاته.

أما سماح، فاضطرت تعيد حساباتها، وبدل ما تجرى وراء جوازة جديدة بأى ثمن، بدأت تفكر إزاى ترتب حياتها وتتحمل مسؤولية ولادها، واتأجل موضوع السفر والجواز لحد ما تلاقى حل يناسبها ويناسب أطفالها. ومن يومها اتعلمت إن مش كل حد بيرفض يشيل حمل غيره يبقى أنانى، ومش كل حد بيحط حدود لغيره يبقى بيكرهه.

ساعات أكبر ظلــ,,ـــــم ممكن يتعرض له الإنسان إنه يتحاسب على ذنب معملوش، لمجرد إنه رفض يدفع تمن اختيارات ناس تانية. “هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”